Menu Close

Tsietsing tsa letswalo

Ratings:
1 Star2 Stars3 Stars4 Stars5 Stars (10 rating, 2 votes)
Loading...

7.6.7.6.D.

1 Tsietsing tsa letswalo – Ke bitsa ho wena
U mamele thapelo, – o nkutlwe, Morena
Lentswe la ka le fihle – Tulong ya mohau,
A le ke le finyelle – Halalelong sa hao.

2 Hoja o ka re balla – Melato ya rona.
Re ke ke ra phonyoha – Pel'a hao, Morena.
Empa bohale ba hao – leha bo ka tota,
Bo tingwa ke mohau – Ha re sokoloha.

3 Ke tshepile Morena – Har'a ditlokotsi,
Ke tadima ho eena – Le har'a dikotsi,
Ke labella lesedi – Bitshong ba tsietsi,
Ho feta balebedi – Ba rakang letsatsi.

4 A re tshepeng Morena, – O tla re tshedisa;
Mohau o tswa ho eena, – O tla re phedisa.
Dibeng tsa rona tsohle – wa re namolela.
Le matshwenyehong 'ohle – O tla re lokolla.

Leave a Reply

Tsietsing tsa letswalo