Menu Close

Re se re tla ea robala

Ratings:
1 Star2 Stars3 Stars4 Stars5 Stars (No Ratings Yet)
Loading...

8.7.8.7.D.

1 Re se re tla ea robala,
Re mpa re sa tla tsoha;
Leha re ka arohana,
Re satla ea kopana.
Bohle ba tla tsoa mabitleng,
Malibeng a leoatle,
Linaheng, moo ba patiloeng,
E be matšoele-tšoele.
Re se re tla ea robala,
Re mpa re satla tsoha;
Leha re ka arohana,
Re satla ea kopana.

2 Kajeno re mahlomoleng,
Re lefatšeng la lillo,
Moo ho isanoang mabitleng,
Ha re hlola re sieana,
Re se re tenehile;
Leha re re rea tšepana,
Lithako li kahohle.
Re se re tlaea robala…

3 Leha eka re mesalla,
Re jeoa ke bolutu,
Le rona re sa tla falla.
A re beteng lipelo.
A re hlakoleng meokho,
Re se keng ra tepella,
Bofifing re bona tšepo,
Le lebitleng ho phela,
Re se re tla ea robala…

4 Leholimo le haufi,
Baka se sekhutšoane;
Re se re bona leseli
Labopong la Jordane.
O, thabo e tla ba kakaang
Ha re fihla le rona,
Re kena ho ba re ratang,
Ho ea ba ho morena!
Re se re sa ea robala…

Leave a Reply

Re se re tla ea robala