Menu Close
1 Star2 Stars3 Stars4 Stars5 Stars (No Ratings Yet)
Loading...

Re roriseng ya re makatsang

9.8.9.8.D

1 Re roriseng ya re makatsang
Ka dineo tsa boholo!
Ngwan'a pallo ya re tshepisang,
Re mo tswaletswe kajeno.
Mora ya ratiloeng hakalo
Re mo teletswe ke Ntate;
O re etetse ka topollo
Le bophelo bo monate.

2. Ho Jesu boikokobetso
Bo kopane le boholo;
Modimo, Morena wa khotso,
O ikahetse ho batho;
O hlahile ka sebopeho,
Sebopeho sa mohlanka;
Teng e mpa e le tshimoloho
Ya letsatsi la ho loka.

3. Modimo o re lopolotseng
O tumiswe, bana beso!
Khotso e tla busa lefatsheng,
Khotso e tliswang ke Jesu.
A re tlatsaneng le ba khanyeng
Ho roka ya re tswaletsweng;
A re pheteng dialeluya,
Thabo e tlale lefatsheng.

Leave a Reply

Your email address will not be published. Required fields are marked *

R

Re roriseng ya re makatsang