Menu Close
1 Star2 Stars3 Stars4 Stars5 Stars (No Ratings Yet)
Loading...

Nakong ya Selallo

13.13.12.12.

1. Nakong ya selallo le pel'a mahlomola,
U 'nile wa bea see nke keng ka se tlola;
Ke mpa ke se pheta, ke be le kelello,
Ke hopole wena, Morena'a bophelo.

2. U unthobetswe 'mele, ke robelwa bohobe,
U ntsholletswe madi a ntlhakolelang dibe,
'Me ke nwa senwelong ka kholo, ka tsoho,
Ke ntse ke hopola Moren'a pholoho.

3. Na nka o lebala, Morena le Monghadi,
Mofufutso wa hao, wa metsi le wa madi,
Le thakhisa tsa hao, le tsona dilelo?
Ke sa di hopola, Moren'a bophelo.

4. Ke sa di hopola, le mosa, le sebete,
Le lerato lohle la Morati wa 'nete.
Etlare ha o tla ka letlotlo la hao,
Jesu, o nkhopole le 'na ka mohau

Leave a Reply

Your email address will not be published. Required fields are marked *

N

Nakong ya Selallo