Loading...
9.8.9.8.D.
1 Molimo, e s'e le linako
Tse boletsoeng ho baholo,
Tsa ho tšela ka Moe'a pako
Ba lopolotsoeng ke Jesu;
Joale, Moea, u theohele
Lipelong tsa ba bangata,
U li bule, u li sokolle,
Li telisoe tsa bohata.
2 Moea o tšolleloe lefatšeng,
Chaba li tsohe kaofela,
Li phalle, li tlale kerekeng,
Thabo e tsoale lifela;
Ba ahileng bochaba-tsatsi
Ho isa bophirimela,
Pheletsong tsohle tsa lefatše,
Ba kene bohle lesakeng.
3 Foka, Moea, foka ka matla!
Ba shoeleng ba tsohe bafung,
Balibe ba rahe lebitla,
Ba sokollele bophelong;
Puo tse ncha li utloahale,
Tse lebohang E moholo,
Le mohlolo e tsahale
Ka uena, Moea oa Jesu!
