Menu Close

Hoja ke se na wena

Ratings:
1 Star2 Stars3 Stars4 Stars5 Stars (14 rating, 3 votes)
Loading...

7.8.7.7.D.

1. Hoja ke se na wena,
Jesu 'Moloki e motle,
Hoja ke se na wena,
Ruri-ruri nka fela.
Nka bona kae tshwarelo
Ya dibe tsa ka tse ngata?
Nka bona kae phomolo,
Hojane o le sieo?

2. Nka phema jwang bohale
Ba letsatsi la bofelo?
Nka phema jwang bohale
Hoja o sa nqobele?
Le kotlo tse tshabehang,
Tse tlang jwale ka morwallo,
Le lefu le mphallelang,
Nka di belahela jwang?

3. Jwale, nka re'ng ho wena,
Ha o se o nkhauhetse?
Jwale, nka re'ng ho wena?
Ke re: Ahe, Morena!
Rato la hao le hlollang
Ke lona le nthlhotseng pelo;
Rato la hao le hlollang,
Nka le ananela ka'ng?

Leave a Reply

Hoja ke se na wena