Menu Close

Hee duvha li ofhisaho

Ratings:
1 Star2 Stars3 Stars4 Stars5 Stars (No Ratings Yet)
Loading...

1.Hee duvha li ofhisaho,
La yone tseno khulu,
La Muhatuli a daho
A tshi bva nei tadulu,
U lata vho mu hanaho,
U tshidza vho mu tendaho.
Rine ri do bva hani?

2.Dzinanga dzi ri vhidzaho
Ri do pfa dzi tshi lila,
Ra ya hu kuvhanganywaho
Vhafu na vha no tshila
U senga na a divhaho
Na zwothe zwo dzumbiwaho,
A sa vhudzisi thanzi.

3.Hu do pfi nga hu vuliwe
Zwivhi zwa vhathu vhothe,
Hu vhonale hu vhaliwe
Mishumo yavho yothe;
Na yashu, ro da henefho,
I tshi do dzumbululwa-vho
I do vha i minzani?

4.Hee, duvha li ofhisaho
Vho tevhelaho zwivhi,
La Yesu a hatulaho
A tshi ri : Thi ni divhi!
Hee Yesu, nne-vho nda ranga
U elelwa zwivhi zwanga
Ndi dzhenwa nga dzinyofho.

5.Murena, nyofhoni dzanga
Ndi fulufhela iwe.
Wo fela milandu yanga
U tshi ri ndi si rwiwe.
Dzina langa lo nwalwa-vho
Kha bugu ya vho tshidzwaho,
A U nga li phumuli.

6.Murena, li ofhisaho
La tsengo khulu yau,
Nga li de ndi U vhone-vho
Ndi zwike phanda hau
Ndi sengiswe, ndi hangwelwe,
Dzinyofho kha dzi pandelwe
Nga khathutshelo yau.

Hee duvha li ofhisaho