Fatseng la bomalimabe

1. Fatšeng la bomalimabe,
La ho hlomoha pelo,
A re kholeng tse monate,
Re khetheng tse bohloko.
Ha letsatsi la kajeno
Le chabile, le khanya,
Re se belaelleng maru
A ka hlahang hosasa!
A re jaleleng ba bang
Tsa mosa, tsa molemo,
Tsa khotso e ahisang,
Le tsa lehlohonolo!

2. Re se keng ra belaela
Ha re na le tsietsi;
Leha li re bokanela,
Li le kaa ka linotši;
Haholo re li lemoheng
Tse monate le tsona,
Tsee Ntate ea re ratileng
A re sitsang ka tsona!
A re jaleleng ba bang,…

3. Che, hase meutloa fela,
Le litšehlo tse hlabang,
Tse mpe, tse hlokofatsang,
Tse ntseng li thiba tsela;
Palesa le tsona li teng,
Tholoana tse hlabosang,
Tsa thabo e phethehileng,
Tsa khotso e kholisang,
A re jaleleng ba bang,…

4. A, ka 'nete, borapeli
Le ho kholoa ha pelo
Li etsa motho morui
Le har'a tse bohloko.
Leha ntši li le moekho,
Thabo e ntse e kola;
Kantle ke ntoa, ke meleko,
Kahare: khotso fela.
A re jaleleng ba bang,…

5. Ke atetsoe ke litšitso,
Li mela tseleng ea ka;
Ke li boha ka makalo,
Ke sitoa ho li bala.
Ke u ake hle letsoho,
O Rare, ua mpaballa
Leha ke felloa ke puo,
Ahe, hle, kea boka!
A re jaleleng ba bang,…