Menu Close

Ea itšepelang Molimo

Ratings:
1 Star2 Stars3 Stars4 Stars5 Stars (No Ratings Yet)
Loading...

Sefela Sa 17

1. Ea itšepelang Molimo
Le botšepehi ba oona,
A ka hla lula ka khotso
Har'a tšiu tsa mefuta.
Mookameli ea renang
O tseba see re se hlokang.

2. Li thusang lipelaelo,
Le 'ona masisapelo?
Na moabi oa bophelo
H'a bo lise ka lerato?
Mookameli ea renang
O tseba see re se hlokang.

3. Betang pelo, ba Morena,
Le mo siele sebaka;
O tla tseba ho fetola
Tsohle molemo oa rona.
Mookameli ea renang
O tseba see re se hlokang.

4. Ruri o s'a ikhethetse
Motsotso oa ho re thusa;
Ho bana ba hae o tletse
Rato le se nang ho fela.
Mookameli ea renang
O tseba see re se hlokang.

5. Se re, ha u s'u hlomoha:
Ke lahliloe ke Morena!
'Me batho ha ba qhomeha,
Ba filoe lehlohonolo!
Mookameli ea renang
O tseba see re se hlokang.

6. Ha bohloko bo u kena,
Bo u tuba, sheba Jesu!
Sefapanong sa Golgotha
Ke liba sa matšeliso.
Mookameli ea renang
O tseba see re se hlokang.

7. Tšaba Molimo, moena,
U hate tsela ea oona.
Mehopolo 'nqa ho uena
Ke e molemo ka mehla.
Mookameli ea renang
O tseba see re se hlokang.

8. Morena, mponele tsohle;
Kea u tšepa, uena fela.
U ntate, ntsamaise hle;
Tšepo ea ka e ho uena.
Uena Jehova ea renang,
U tseba see ke se hlokang.

Leave a Reply

Ea itšepelang Molimo